#ابتكارات مضيئه#

ليه يا دنيا

مش عجباكى احوالنا ولا يوم حنيتى لينا ولا حتى سايبانا فى حالنا

لبسنا نضيف ما عجباكى احوالنا

ولاحتى الوسخ من لبسنا بقولك ايه يادنيا بالله عليكى لتتركينا لاحوالنا 

رب العباد قال عنك ان انتى دنيا اسم وصفه شايفك بجد دنيه ولا عيل فيكى نافع ولاحتى صاحب باقى حمدك يارب وشاكرك على كل احوالنا

صاحبى وحبيبى اللى طلعت بيه منك غايب بقالو كتير ولا حتى يعرف ايه دلوقتى احوالنا

كان دايما معايا ولا يوم عنى بعد ولا يوم كان الفراق حالنا

ولا الظروف هى اللى صعبه ولا عشان الفلس دلوقتى بقا حالنا

والله ياصاحبى بدعيلك ربى يعدل حالك وأحوالنا

لكنى عايز أسألك ولا بلاش لاتقول انى بغير منك شايف عليك نعمته وبقول يارب مايرجع ويكون فى احوالنا 

لكنى لازم اسالك بعدك عنى كان ليه كان فيه مابينا زعل ولا عشان اتبدلت احوالنا 

مش شك فيك والله ياصاحبى دانا لسه بقولهالك ياصاحبى

عايز منك اجابه لميت سؤال جوايا يمكن تاخد بايدى وربى  على ايدك يعدل احوالنا

كنت زمان اسمع جدودى يقولوا دائما صاحبك ياولدى ليك ساحب واوعاك فى يوم تصاحب قليل ربايه ولا خسيس ياولدى صاحبك ليك عنوان واحواله دائما تكون من احوالك 

وان كان نضيف وربايته باينه عليه لازم حالكم يكون واحد وأن كان وسخ لابد أنه يكون عليك باهت ووساخته تمسك فيك والحال يكون واحد 

والله ياجدى بدعيلك وبقول على ايدك اتعلمت كتير وبقول يارب الجنه تكون حالك وفى يوم هجيلك وتكون يارب احوالنا من حالك 

صاحبت كتير منك يادنيا ولا عمرنا كان حالنا واحد  ولا يوم كات واحده احوالنا صعبه يادنيا ليه دايما بتبدلى فاحوالنا

حتى صاحبى الجدع منى هرب وخلع لما شافك بتبدلى فاحوالنا

سلام يادنيا يادنيه سلام ومش عارف اقولك ايه على احوالنا 

لكن ربى أمر بالحمد عالساره والضاره  ومسيرها يوم تتعدل بطاعة ربى احوالنا 

                   التوقيع/

                            انسان بسيط

                         وكان اسمه 

                       جمال حرب 

ابن راجل تمام واسمه سيد محمد مصطفى حرب